مجموعة من القصص القصيره

هــــذي بعض المواقف للشباب والبنـــــــــات .....


* هذا واحد يقول: كنا في مكة في أيام الحج وكانت خيمتنا في مكان مرتفع وبعيد عن سيارات الماء .. ذهب أخوي يجيب ثلج وجاب قطعة كبيرة شايلها فوق كتفه ثم جت ثنتين من خواتي الصغار يساعدونه على إنزال الثلج وجاء أخوي ولف قطعة الثلج باحرامه اللي على كتفه حتى ما تبرد يدين خواتي سحبوا حرامه السفلي بدلاً من اللي فيه الثلج.. وبسرعه.. طاح الحرام وطاح الثلج وطاحوا خواتي من الضحك .


*هذا واحد يقول: تزوجت على زوجتي ومن الحرة اللي فيها جت في ليلة عرسي وخذت الثياب اللي أبلبسها للعرس ومسحت عليها قشر ( برشوم) والبرشوم فاكهة لها أشواك رهيبة وما تنشاف .


* وحده تقول يوم عرسي وبعد ما خلصت من التس .. وجيت أطلع على الحريم والرزة على المنصة .. شفت بعض الحمرة على يدي ودخلت أغسل يدي وفتحت الحنفية وما دريت إلا والدش يصب على راسي وخرب كل شيء .



* وحده تقول: في أول أيام زواجي طلب مني زوجي أن أفتح له علبة بيبسي .. وبغيت أحرك الجو بشيء من الفرفشة.. فقمت وفتحت علبة البيبسي قدام وجهه ويا للهول طاش البيبسي على وجهه وملابسه والجدار .. وأنا مع خوفي إلا اني مت من الضحك .


* يقول أحد الإخوة: عزمنا أقاربنا في الشرقية ومن باب الكرم حطوا في العشاء طبق من الأطباق( عبارة عن روبيان طازج مشوي غير مقشر) شاف ولدي الصغير هالطبق وقال:يبه ـ وع ـ حاطين في العشاء صراصير.. أنا ضاع وجهي من صدق . الله يستر على البزر ذا بلشه


* تقول فتاة عن جدتها: عندما سافرت جدتي بالطائرة لأول مرة، جاءت المضيفة لها وقدمت لها الطعام، فما كان منها إلا أن قالت: والله لو أدري إني أبكلف عليكم ماجيت ... والله من النيات عند العجوز ذي يابعدي ..


تحياتي ..